ثنائية سورية نادرة على bazafe العمير لرجا رافع: أتمنى أن تُغير فريقك بآخر صاحب بطولات

ثنائية سورية نادرة على bazafe


العمير لرجا رافع: أتمنى أن تُغير فريقك بآخر
صاحب بطولات

• الأكل
  الزايد
  

الرافع والعمير..ثنائية سورية





دبي


جمع برنامج صدى الملاعب بين اثنين من نجوم الكرة السورية، وهما رجا
رافع لاعب المجد، وأحمد العمير نجم الكرامة، فماذا قال أحدهما عن الآخر..
في واحدة من ثنائيات الصدى النادرة؟ وكيف أدارت دانا صملاجي المبارزة
الكلامية بينهما؟أحمد العمير: أعز الناس لإلي بالرياضة، بالرياضة وبغير الرياضة، يعني مثل
ما بيقولوا رب أخ لم تلده أمك، رجا كتير كتير صديق وأكبر من كلمة صديق،
كتير وفي وكتير إنسان طيب، وكتير محترم وكتير يعني أهله مربينه صح.رجا رافع: بالنسبة لي هو مو بس صديق منتخب يعني، طبعا هو أخ.أحمد العمير: رجا كتير كويس وكتير مهضوم وكتير لذيذ بس مشكلته أوقات
بيزودها.دانا صملاجي: بيزودها بالهضامة؟ أحمد العمير: بيزودها بالهضامة.رجا رافع: أحمد بحياته مرح، يعني ما بتحسي إنه مثلاً في تقل أو في شي، لا
بالعكس على طول في هضامة وفي ضحك، وقاعدته حلوة كتير، وأنا من الناس اللي
بحب قاعدته كتير، الشغلة التانية بس هو يمكن هاي بتزيد أو بتأثر عليه
بالملعب.أحمد العمير: بالملعب هو بيجوز الحماس الزايد عم بيأثر عليه سلبيا أوقات بس
يعني عم يكون بالأكتر إيجابيا لإله لرجا، يعني عم بنشوفه عم بيسجل بكل
موسم عدد كويس من الأهداف، باستثناء هذا الموسم بيجوز شوية مسكرة معه لظروف
خاصة أنا بعرفها بس ما فيني أصرح عنها، وأكتر شي صداقتنا قوية وقت كنا
محترفين بالكويت، يعني احنا وصلت لمرحلة كنا محترفين بالكويت أنا بنادي وهو
بنادي، يعني وصلت لمرحلة أد ما صرنا صحبة وهيك، أنا تركت بيتي وعشت عند
رجا.رجا رافع: يمكن كان يبعد عني هو شي نص ساعة، فيضله عندي، يضله نايم عندي،
أنا أتونس فيه وهو يتونس فيا.دانا صملاجي: هل هو بيحب السهر كتير، بتحسه هيك جيل شباب أم بتحس إنه
بيتوتي؟أحمد العمير: لا لا مانه بيتوتي أبداً، بيحب السهر وبيحب المتي كتير، دبحنا
أد ما يشرب متي بالكويت، بيحب يحكي ع التليفون كتير، عقده نصه روحه
تليفون.
الأكل الزايد

رجا رافع: نحط البلاي ستيشن ونلعب، نتسلى بيه ما عندنا غيره، ومرات
نقعد هيك ييجوا رفقاتنا نتسلى وياهن، نشتغل عليهن، نضحك، شفنا أيام حلوة مع
بعض.دانا صملاجي: شو السلبيات برجا، نحكي بصراحة هيك شي سلبيات، إن كان برات
الملعب أو داخل الملعب؟أحمد العمير: الأكل الزايد.-- دانا صملاجي: بيحب الشاورمة يمكن.أحمد العمير: يوووووو عند أبو سامي.رجا رافع: من شان الأكل، ما حدا ما بيحب الأكل، كلياتنا بنحب بطنا، أوقات
في ناس كتير بيحكوا شغلات يعني ممكن تمس أحمد بشي بسيط إنه ما يأثر عليه أو
يزعله، لأ أحمد لو كان انتي موجودة أو حدا، ما بيعمل قيمة لحدا ويحكي.دانا صملاجي: يعني ما بيساير؟-- رجا رافع: ما بيساير.دانا صملاجي: انت وقت تيجي ع الشام بيعزمك رجا وبيقوم بواجبك، كريم يعني؟أحمد العمير: أكيد، ما مبين من جسمه إنه كريم؟ أكيد، وع رز ببازلا، أكيد
ويعني ما بيعزمني ع مطعم، دايماً عنده بالبيت.رجا رافع: والله أول ما بيتصل فيني بس الأول يجي لعندي، فبقوله شو بدك
تاكل، يقولي اعملي رز ببازلا، اعملي كذا، فبعمله إياها .دانا صملاجي: هاي أكلة مشتركة؟ --رجا رافع: أنا بحبها كتير وهو بيحبها
كتير.أحمد العمير: أنا مثل ما بتمناله الخير لإله، هو بيتمنالي أكتر.رجا رافع: أغير لا، ممكن الغيرة إنك تكون أحسن، هذا شي طبيعي لأنه، يعني
ممكن أنا أفكر إنه ليش هو مثلاً أحسن مني وشو اللي بيميزه عني.دانا صملاجي: في تحدي ممكن؟رجا رافع: يصير في شي إنه أنا، بس بتضل المحبة موجودة، بس أنا هذا التحدي
تحدي شريف عادي يعني.أحمد العمير: فريقك كتير كتير كويس، بس أنا بتمنى إنك تغيره، تروح على فريق
يقدر يجيب بطولات.دانا صملاجي: يعني انت معه إن هو، يعني هو قال إنه بده يطلع ويروح يجرب
نادي جديد، انت مع ها الشي.أحمد العمير: أنا لأ مو مع ها الشي لإن هو بده يطلع من نادي المجد لسبب صار
في مشكلة بينه وبين أحد الأشخاص، أنا ما بدي يطلع لها السبب، أنا بدي إياه
يطلع وهو راسه مرفوع والنادي رافع راسه برجا.رجا رافع: هلا اللعيبة مو أخدة حقوقها، بالذات إنه في رئيس نادي يعني قادر
إن هو يسدد هذا الشي، أو إدارة نادي، شو المشاكل وشو في وليش، للأسف ما كنا
نعرف.دانا صملاجي: فينا نقول مثلاً رجا يقدر يقنعك تيجي ع المجد؟أحمد العمير: أنا بتمنى أكون مع رجا وين ما كان بأي نادي هو، لأنه أنا
بوجود رجا جنبي كمهاجم يعني أنا برتاح كتير.رجا رافع: وأنا إذا كان حدي أحمد وأنا حده فأكيد تنيناتنا ممكن نفهم مع
بعض.